(Galura, Edisi I Juli 2014)
Can gé
reureuh langit ceudeum
Méga
cireumbayan
Waktu
dikeput haseup
Panas tingharéab
ngarérab
kasab
Lebu-lebu
ngampar ngagadabah dungus banusan
Rungkun
ngalumuk
Imah-imah
rebah
Haté
pabalatak
Dina
waktu anu samporét
Leungeun-leungeun
arca ngagadabah lembur,
Ngaranjah
babakan, nguwak-ngawik patalimarga
Dina
mangsa pamekasan
Lambak-lambak
tingjelegur
Angin
motah
Sora-sora
tinggeleger, tinghariung
Jerit
patarik-tarik
Getih
pabeureum-beureum
Muka
mangsa ngabagéa jaman
Dina
lulurung taun sagala kapeurih lir aplusan
Ngalongok
mondok di imah-imah urang lembur
Nyaksian
sagala rupa kajadian ngaliwatan geter kadeudeuh
Ngaliwatan
cimata nu ngamalir jadi nasib dayeuh…
Bandung, Mei
2011
Langit
Luhur Flyover
Aya séngsérang
puray luhureun lulurung langit flyover
Ngalalambak dina kenténg-kenténg
pabrik, supermarkét,
kabel listrik jeung saampar
antrian kandaraan
Ngembat satungtung jalan Jakarta
tepika Soekarno-Hatta
Sisi-sisi lamping gedong sigrong tinggelebur patamorgana
ngaduruk dayeuh
Ngarérab jagat sabada
ibun ditenjrag panon poé nu teu kungsi haneut
Raga badag pias konéas
kabuntang-banting gilinding
Kahariwang beuki motah dina
satiap rénghap nu teu bisa ngahuap
Aya nu nyangsaya dina kongkolak
mata
Kumareumbing nahan kanyeri, sepa.
Sagala kakeueung nyaliara
Ngulayaban sapanjang engab tepika
manggih tunggara
Bandung, 19 April 2011
Lampah
Nyorang Mulang
(Galura, Edisi I Juli 2014)
Ras, sabengras cahaya surga
Rigig tangginas
Nyorang pilampah kasab
Gedig dipirig dalingding asih
Mentangkeun jamparing kawih
maténi balilih
Nu gumuruh mangpirang lalakon
waktu
Nyusun kalimah jeung kecap-kecap
Nyurahan tapak-tapak jaman
Nu halimpu ukur laku nu geus
kalarung
Jadi tineung saban nu nineung
Nyipta kamelang nu ngahariwang
mangsa jasad mulang
Bandung, 19 April 2011
Peuting
Teuing Kujemping
Ukur simpé jeung
sakolanding kasono nu nampeu hareupeun
Mawa sasab lampah lamunan nu
beuki lampar
Laun-laun nganjang ka saban tempat
nu kungsi kasaba
Unggal kecap reujeung paripolahna
nyambuang kana lelembutan
Kumarayap dina satiap réngahap
Kumareumbing dina diri nu teu weléh
nyaring
Simpé teu puguh déngé
Haté teu wéléh
ngadalingding asih pangaping
Mirig lalakon katresna basa mangpuluh
rasa kasono anjog kana haté urang
Imut salira mawur payuneun bangku
taman, kembang kertas jeung sapasang kukupu pulas gandola
Teu kendat méré rasa
kana haté nu beuki kumeleter
Peuting téh teuing ku
jempling
Hawar-hawar nu kapireng ukur
laguning dangding
Dipirig lalakon awaking nyeueung
peteng sakuriling bungking
Mangsana kaasih urang ngamalir ka
sagarana masing-masing
Bandung, Juli 2011
Bulan
Peuting Ieu
Bulan moncorong luhureun papan réklameu,
tower jeung kabel listrik nu pakuranteng
Disidik-sidik bet siga nu pias,
konéas. Alum. Ngungun. Kebek ku kapeurih
Sorot socana angkeub, cumalimba
ku cimata.
Bulan, naha anjeun surti kana
laguning ati?
Bandung, 11 Agustus 2011